Archive for category: Sen categoría

Empeza a conta atrás para celebrar “LAXE NA BOCA” durante a fin de semana do 2 e 3 de marzo.

O tren turístico circulará polas mañáns, facendo paradas nos nove establecementos que ofrecen pinchos gratis con cada consumición: Mar de Fondo, O Bocho, A Nova Despensa, Áncora, Recodo de Antía, Mar de Laxe, Zurich, O Reino de Loki e O Ben Me Sabe.

Ademáis, cubrindo unha cartilla con catro selos de distintos locais poderase participar no sorteo dunha fin de semana para dúas persoas no Augusta Spa Resort**** de Sanxenxo.

• SÁBADO 2 DE MARZO: 12.00 a 15.00 / 20.00 a 23.00 horas

O sábado pola mañán o Grupo de Gaitas Maruxía tocará polos negocios, dando paso, pola tarde, á 6, á presentación oficial do TRIKITANIC promovido pola Asociación Batucada Trikitrakes.

Ás 8 da tarde, será o turno da Tuna de Dereito de Santiago de Compostela, coa que se encherá de ritmo e ambiente festivo a nuite.

Alternando coa tuna, organizamos un intenso programa de monólogos, a cargo de Xan Veiga, Víctor Grande e Tito Rober. Cada un con distintos horarios e pases para facilitar a asistencia a tódalas persoas e o movimiento de consumidores entre locais.

• DOMINGO 3 DE MARZO: 12.00 a 15.00 horas

O grupo de Pandereteiras Andora, tocará polos locais da ruta, alternando cun circuito de maxia a cargo de Deimi e Marcos Waldemar.

 

Dende a Concellería de Comercio, Hostalería e Turismo de Laxe consideramos que a cultura culinaria é un valor indiscutible para potenciar o turismo de calidade, e por iso traballamos a favor da profesionalización e potenciación dos recursos gastronómicos municipais, así coma da coñecida meridaxe do viño, tan arraigada en Laxe a través da cultura popular do chateo.

Con ese obxectivo, presentamos o programa de actividades gastronómicas e enolóxicas previstas para os meses de febreiro e marzo, dentro do proxecto de desestacionalización do turismo “relaxese 2019”.

Tódalas actividades son gratuítas e contan coa axuda económica da Deputación Provincial da Coruña.

Xa repartimos 400 € na Campaña de Nadal no Comercio de Laxe, pero aínda nos quedan 3 premios por entregar e nada nos gustaría máis que atopar as persoas premiadas!!

BUSCAMOS OS NÚMEROS 11211, 14025 e 15029

Se tes un ticket con calquera destes tres números, tes ata o día 21 de xaneiro para recoller o teu vale de compra na Concellería de Turismo.

O pasado sábado día 8 de decembro ás 20.00 horas, celebramos no Museo do Mar o acto de entrega dos premios do 1º Concurso de Fotografía #moitomáisquepedras, organizado conxuntamente polos Concellos de Vimianzo e Laxe.

Resultando premiadas as seguintes persoas:

• PRIMEIRO PREMIO: José Antonio Vila Rodríguez pola obra “Vixía”
• 
• 

 

• SEGUNDO PREMIO: Rafael Quintáns Canosa pola obra “A ollada eterna”
• 
•  
• TERCEIRO PREMIO: Noelia Antelo Varela pola obra “A osa e o solpor”
• 
• 

 

Participaron no acto a Concelleira de Cultura de Vimianzo, Marta Rey Lema, o Alcalde de Vimianzo, Manuel Antelo Pazos e o Concelleiro de Turismo de Laxe, Xosé Manuel Pose Lema.

Autoridades, primeiro premiado e técnicos municipais dos Concellos de Vimianzo (Víctor Santos) e de Laxe (María Mato), presentaron o cartel turístico dos Penedos de Pasarela e Traba, nun acto moi emotivo e ao mesmo tempo reivindicativo.

 

A presentación estivo acompañada dun maxistral concerto íntimo a cargo da violinista Antía Ameixeiras e da acordeonista Sabela Caamaño, quenes conseguiron encadilar ao público asistente co seu folk.

Este acto, formou parte do primeiro programa de actividades organizado conxuntamente polos Concellos de Vimianzo e Laxe, recordando que os Penedos de Pasarela e Traba son 1 das 2 únicas Paisaxe Protexidas existentes en Galicia. 

Co firme propósito e compromiso dos Concellos de Vimianzo e Laxe, de continuar traballando conxuntamente na conservación, divulgación e protección da Paisaxe Protexida dos Penedos de Pasarela e Traba, conclúen os actos de recordo e reivindicación do 10º aniversario da publicación da declaración oficial que tivo lugar o 11 de decembro do 2008 no Diario Oficial de Galicia.

Dámoslle a máis sincera noraboa ás persoas premiadas e agradecemos tamén a participación de tódalas persoas que se presentaron ao Concurso. Así mesmo, transmitímoslle un agradecemento moi especial a tódalas persoas que coa súa participación nos actos organizados dende o programa #moitomáisquepedras apoiaron e apoian a grandeza da Paisaxe Protexida dos Penedos de Pasarela e Traba.

 

Fotos: Cedidas por Rafael Quintáns. 

A Asociación de Comercio e Hostalería de Laxe “ComerLaxe” e a Concellería de Comercio, Hostalería e Turismo, organizan a campaña de descontos “Black Friday”.

Durante o venres 23 e o sábado 24 de novembro, aproveita os descontos e promocións nos locais participantes. Para identificalos terán globos vermellos e negros na fachada!