A estación de autobuses máis próxima a Laxe está en Carballo. Desde alí existen conexións que enlazan coa Coruña, con Santiago de Compostela e con Laxe.

A empresa Transportes Arriva é a encargada destas liñas de transporte público. Na súa páxina web https://arriva.gal poden consultarse os horarios e conexións dispoñibles para chegar ou saír de Laxe en autobús.

As paradas en Laxe están situadas na Avda. Rosalía de Castro á altura do número 64 e Avda. Villa Amparo á altura do número 66.

Se viaxas en avión os aeroportos máis próximos a Laxe son:

• O aeroporto de Alvedro, na Coruña, situado a 73 km.
• O aeroporto de Lavacolla, en Santiago de Compostela, situado a 76 km.
• O aeroporto de Peinador, en Vigo, situado a 152 km.

As liñas de tren non comunican directamente con Laxe. As estacións que nos quedan máis cerca son:

• A estación de Renfe da Coruña, situada a 70 km.
• A estación de Tren de Santiago de Compostela, a 71 km.