Unha ruta deseñada para descubrir os segredos das rochas e do noso mar!
Ruta do percebe
Localización e percorrido da ruta
Propoñemos unha ruta ao longo do litoral na que podemos admirar unha paisaxe cambiante cada día, tanto polas mareas como polas condicións climáticas, así como as xornadas de traballo dos percebeiros.
Ao longo de seis paneis explicativos obteredes información sobre a actividades dos percebeiros e percebeiras de Laxe.
O hábitat do percebe
O percebe precisa para o seu desenvolvemento superficie rochosa onde poderse agarrar e augas moi osixenadas, por iso o seu hábitat está exposto a fortes correntes e temporais. É nestes lugares onde podemos atopar os de mellor calidade.
Para preservar estas zonas, a confraría decide as datas e áreas nas que traballar reflictíndoas no plan de xestión da especie que remite á Consellería do Mar. Deste xeito, quedan establecidas épocas de extracción en zonas e unha recolección rotatoria para non esgotar o produto.
Extracción do percebe
Existen dous tipos de extracción do percebe: a pé (accédese ás rochas camiñando pola costa) e desde embarcación. Para poder exercer calquera destas dúas modalidades, hai que estar en posesión de todos os permisos e da documentación regulamentaria. A cantidade de percebe que se pode recoller é de 5 kg diarios, a excepción do mes de decembro, no que se poden extraer 6 kg.
A ferramenta coa que os percebeiros realizan a extracción denomínase rasqueta, e na indumentaria é habitual o traxe de neopreno, luvas, casco, a bolsa para ir depositando o percebe e zapatillas.
Click here to add your own text
Esta entrada tamén está dispoñible en: Castelán
