Pesca deportiva

O litoral do Concello de Laxe é moi frecuentado durante os doce meses do ano, por persoas afeccionadas á pesca deportiva. A nosa costa destaca pola variedade de especies e o diferente perfil dos fondos, que evolucionan desde as zonas areosas ata outras máis rochosas.

Dependendo da época, do estado do mar e do momento do día, pican muxos, robalizas ou sargos entre outros moitos.

A pesca do calamar desde o propio porto de Laxe, tamén goza de cada vez máis practicantes.