Archive for category: Novas

Xa está aberto ao público o Espazo Divulgativo de Baleeira, situado ao carón da emblemática Praia dos Cristais, un lugar único para coñecer a nosa fauna e flora mariña 🌿🐠, afondar na importancia da Rede Natura 2000 e descubrir as tradicións da pesca artesanal que forman parte da nosa identidade colectiva ⚓ Este novo recurso combina natureza, historia e educación ambiental 🌍.

Inclúe imaxes orixinais do Arquivo Fotográfico Vidal, así como paneis divulgativos accesibles en varios idiomas e dispoñibles tamén mediante códigos QR 📲, facilitando unha experiencia inclusiva e aberta a toda a cidadanía. O proxecto foi posible grazas ao apoio dos fondos GALP Costa da Morte, coa colaboración da Xunta de Galicia e da Unión Europea 🇪🇺💙, que continúan apostando polo desenvolvemento sostible do noso territorio.

💬 Animámosvos a achegarvos, coñecer este novo espazo e descubrir todas as historias que agocha este recuncho tan especial de Laxe! 💙 #Laxe #CostaDaMorte #EspazoDivulgativoDeBaleeira #PraiaDosCristais #GALP #XuntaDeGalicia #UniónEuropea #TurismoLaxe #MedioAmbiente #PescaTradicional

O Concello de Laxe acaba de executar un proxecto de deseño e instalación de 4 paneis informativos co fin de dar contido a varios miradoiros mediante a colocación destes indicadores explicativos do que se ve dende ditas posicións.

Deste xeito, desde o Faro apréciase unha panorámica dificilmente localizable para as persoas que non son do lugar, coma as diferentes vilas que desde o punto se aprecian. Outra característica que non se ve é a forma do litoral coas súas diferentes furnas, así como a sinalización de que dita zona é un lugar excelente coma punto de observación Starlight. Por outro lado, coa instalación destes paneis informativos o goberno local busca poñer en valor a súa riqueza medioambiental e paisaxística, elevando o seu interese por visitalos.

Esta actuación está subvencionada polo Concello de Laxe e pola Consellería do Mar – GALP “Costa da Morte”, tendo un orzamento total que ascende a 14.998,95 €.

O alcalde de Laxe, Francisco Charlín, manifesta que con esta actuación “continuamos mellorando o servizo de información dos nosos recursos turísticos para todos aqueles que nos visitan, á vez que concienciamos da necesidade de preservar a nosa contorna como un valor engadido para a xeracións futuras”.