Laxe: estate agardando!
Nada mellor que un sinxelo itinerario de 1,6 quilómetros de distancia para descubrir os lugares máis singulares do casco urbano de Laxe.
Camiñar pola Praza Ramón Juega, o Museo do Mar, a Casa do Arco, a Igrexa de Santa María da Atalaia, e a Capela de Santa Rosa, permitirache coñecer os nosos monumentos e construcións e sentir a tranquilidade da nosa vida cotiá.
Un paseo pola nosa historia!
No noso concello conviven varios tipos de vivenda mariñeira, distribuídas ó longo de estreitas rúas paralelas á praia, cruzadas por outras de xeito transversal.
No casco antigo abundan as hibridacións arquitectónicas, motivadas fundamentalmente polos cambios socioeconómicos e produtivos que o sector da pesca protagonizou nas últimas décadas.
Un agradable paseo pola Rúa Real e a Casa do Arco, cara a Igrexa de Santa María da Atalaia, e polas rúas Pracer, Xuventude, ou Panaderías, darache mostra desta historia arquitectónica.
Coñece cada construción, cada recuncho, cada esencia…
Esta entrada tamén está dispoñible en: Castelán
