Arquitectura Civil

A Casa do Arco

Adéntrate na nosa historia!

É o edificio civil de maior importancia histórica de Laxe. Atópase no centro da Vila, na esquina noroeste da Praza Ramón Juega e permite, mediante os seus tres arcos apuntados sobre os que se asenta, adentrarnos na Rúa Real que nos leva ó templo parroquial de Santa María da Atalaia.

É unha das escasas vivendas que nos quedan en Galicia de estilo gótico –o arco oxival así o revela- e convén lembrar que conta cuns 500 anos de antigüedade.

A casa foi construida no século XV por Dona Urraca de Moscoso (Condesa de Altamira) e o seu segundo marido Don Pedro de Osorio.

43.2217872,-9.005843

Faro de Laxe

O gardián da nosa Vila!

Esta construción de 11 metros de altura, atópase na Punta Ínsua do cabo Laxe, sobre un outeiro duns 50 metros sobre o nivel do mar, que defende a vila e o porto dos ventos dominantes, nun espacio natural privilexiado.

43.2321269,-9.0111603

A Espera

Unha homenaxe aos nosos mariñeiros!

Esta escultura de Iria Rodríguez situada en Punta dá Ínsua, en Laxe, homenaxea ás familias de todos eses mariñeiros que nunca regresaron a porto.

‘A Espera’ reproduce a imaxe dunha muller cun fillo en brazos mentres a súa vista alcanza o máis lonxe posible, desexosa de ver reaparecer o barco no que un día se foron os seus familiares, amigos e veciños.

43.2315149,-9.01161

Pazo de Leis

O patrimonio máis noble!

Estamos probablemente ante un dos mellores pazos da Costa da Morte, e dos máis completos, pois ademáis do edificio en sí, conta cuns bonitos e ben coidados xardíns, un pombal e mesmo un regacho (o rego de Soesto). Construíuse en varias etapas, sendo as principais as dos século XIX e XX; queda pouco das anteriores.

É un edificio de planta en forma de U, cun patio interior na parte oeste. As tres alas do edificio son de dúas alturas, excepto a chamada torre da ala sur, no centro, que é de tres.

43.1937973,-9.0130875

Muiño do vento

Moita historia no Monte Cornaceira!

No alto do Monte Cornaceiras, atopamos o muíño do vento, construído en 1924 polo laxense Manuel Ramos Mesías e funcionou até 1936.

Actualmente está catalogado como ben de patrimonio arquitectónico municipal con protección ambiental.

43.219411,-9.0092677

Pombal de Traba

Un pombal con vistas á natureza!

Adéntrate no Val de Traba e desfruta do patrimonio civil en plena natureza.

Desfruta deste pombal en perfecto estado!

43.1943611,-9.0386944

Mina de Caolín

Este concello ten un pasado mineiro !

A actividade extractiva do caolín comezou no areal de Laxe na década de 1920. Pouco despois constituíuse a empresa Kaolines de Lage, SA, cuxo volume de explotación impulsou o primeiro proxecto para construír o peirao.

Arredor de 1940 Isidro Parga Pondal descubriu e puxo en explotación o xacemento de caolín de Coéns, do que a partir de 1944 se conduciría o mineral por medio de vagonetas suspendidas dun teleférico.

No comezo dos anos 50 a mina de caolín de Laxe era a mina máis importante de España e unha das principias de Europa. Pero o esgotamento do xacemento forzou que a mina de caolín rematase a súa actividade extractiva en 1977.

Como testemuña do noso pasado mineiro aínda hoxe se conservan a cheminea, algúns castelletes do teleférico, a tensora, ou os restos do lago artificial de Coens onde estivo o xacemento extractivo.

43.2137724,-8.9977013

Esta entrada tamén está dispoñible en: Castelán