A estación de Pedra Xestosa mestura paneis ó aire libre senso estricto, con outro emprezado ó abeiro dunha laxe. O repertorio iconográfico é máis complexo nos exteriores, onde comparecen numerosas representacións animalísticas.
Todo o conxunto, semella posuír unha homoxeneidade cronoestilística. Os dous paneis principais terían cun carácter complementario, amosando as dúas fases principais dunha cacería, e o episodio de caza en si.
O dolmen Fornela dos Mouros está situado na parroquia de San Simón de Nande, preto do lugar de Aprazadoiro. Este dolmen data de entre o 2500 e o 2000 antes de Cristo, presenta planta rectangular e está formado por tres lousas verticais e unha horizontal como cuberta.
De altura ten 1,35 metros, por 2,57 de ancho. A pedra da cuberta mide 2,70 metros.
Os historiadores poñen en dúbida que esta construcción sexa en realidade un dolmen debido as súas reducidas dimensións e a que se atopa nun lugar pedregoso e pouco propicio para os soterramentos. Argumentan que probablemente esteamos diante dunha desas arcas megalíticas de forma cuadrada ou rectangular, con cuberta única e de feitura moi cuidada, que son un preludio do que serán as cistas de inhumación individual que aparecerán en Galicia a partires da idade do Bronce.
O dolmen Forno de Vales, na aldea de Gundar, é un túmulo cunha gran cámara. Só se observan dous chantos da cámara, non podendo distinguir os demáis. Os chantos visibeis son de grandes dimensións, dando a impresión de estar caidos, xa que sobrepasan os tres metros de ancho, o que nos levaría a unha altura desmesurada.
O túmulo atópase no medio do monte, rodeado dunha abundante vexetación.
Esta entrada tamén está dispoñible en: Castelán
